قائمة · ١٢ سؤال وردودها
نفس الأسئلة كل يوم في الواتساب… وجوابها مكانه في متجرك
١٢ سؤال يرسلها الزبون كل يوم في الواتساب والخاص. لكل سؤال: وين تحط جوابه في سلة أو زد عشان يشوفه قبل يسأل، ورد جاهز تنسخه لو سأل، ومربع «حطيته؟» تعلّم عليه.
أبي القائمةوش فيها
- ١٢ سؤال: الشحن المجاني، سعر الشحن، متى يوصل، العرض لين متى، كود الخصم، «بكم ووين الرابط؟»، الدفع عند الاستلام، تابي وتمارا، المقاس، الاسترجاع، متى يتوفر، ووين طلبي.
- وين تحط الجواب: المسار بالضبط في لوحة سلة وفي لوحة زد، من مراكز المساعدة حقتهم.
- رد جاهز لكل سؤال: تعبّي اللي بين القوسين مرة وحدة، وتحفظه في الردود السريعة بواتساب أعمال.
- «خلّه في الواتساب»: الأسئلة اللي تبي ردك أنت، ولا تنحل بسطر في المتجر.
- عدّ أسئلتك أسبوع: جدول تعلّم فيه كل سؤال يجيك، وتبدأ بالأكثر.
ملف PDF ينطبع على ورقة A4 وينقرى من الجوال.
وين نرسل لك القائمة؟
الـ١٢ سؤال، ووين تحط جوابها، والردود الجاهزة، في ملف واحد.
وصلت! افتحه من هنا، والرابط بالطريق لإيميلك.
افتح القائمة (PDF)الردود الجاهزة: انسخها من هنا
عبّ اللي بين القوسين [ ] مرة وحدة، واحفظ الرد في الردود السريعة بواتساب أعمال.
-
١. الشحن مجاني من كم؟
الشحن مجاني لأي طلب فوق [المبلغ] ريال. وإذا طلبك أقل، يطلع لك سعر الشحن في صفحة الدفع قبل تدفع.
-
٢. كم الشحن؟ وتوصلون [مدينتي]؟
نوصل لـ[المدن أو المناطق]، وسعر الشحن [السعر] ريال. السعر النهائي حسب مدينتك يطلع لك في صفحة الدفع قبل تدفع.
-
٣. متى يوصل؟
يوصلك خلال [المدة] أيام عمل من يوم الطلب، وأول ما ينشحن تقدر تتابعه من صفحة طلبك.
-
٤. العرض لين متى؟
العرض ينتهي [اليوم] [التاريخ] الساعة [الوقت]، وبعدها يرجع السعر الأصلي.
-
٥. فيه كود خصم؟
حياك! استخدم كود [الكود] وتاخذ خصم [الخصم] على طلبك، والكود شغّال لين [التاريخ]. تكتبه في السلة قبل الدفع.
-
٦. بكم؟ وين الرابط؟ (تحت المنشور)
سعره [السعر] ريال، وهذا رابطه على طول: [رابط المنتج]
-
٧. فيه دفع عند الاستلام؟
إيه، الدفع عند الاستلام متاح، ورسومه [الرسوم] ريال. تختاره في صفحة الدفع، ويطلع لك إذا كان متاح لمدينتك وقيمة طلبك.
-
٨. فيه تابي أو تمارا؟
إيه، تقدر تقسّط طلبك مع [تابي أو تمارا]، تختاره في صفحة الدفع.
-
٩. وش المقاس المناسب لي؟
جدول المقاسات موجود في صفحة المنتج. وإذا محتار بين مقاسين، اكتب لنا طولك ووزنك ونقول لك الأنسب.
-
١٠. أقدر أرجّع أو أبدّل؟
إيه، تقدر تستبدل أو ترجّع خلال [المدة] يوم من الاستلام إذا المنتج بحالته. الشروط كاملة هنا: [رابط صفحة السياسة]
-
١١. متى يتوفر؟
خلص حالياً. سجّل على تنبيه التوفر في صفحة المنتج، ويوصلك تنبيه أول ما يرجع.
-
١٢. وين طلبي؟
تقدر تتابع طلبك من حسابك في المتجر ← الطلبات، أو من رابط التتبع في رسالة تأكيد الطلب. وإذا ما لقيته، اكتب لنا رقم الطلب ونشيك لك.
خطوتك الجاية
القائمة تقول لك وين يروح كل جواب. ابدأ بسؤال الشحن.
- 1 عدّ أسئلتك أسبوع، واختر أكثر ٣ تتكرر عليك.
- 2 حط جوابها في متجرك من المسار المكتوب تحت كل سؤال، وعلّم «حطيته؟».
- 3 احفظ ردها الجاهز في الردود السريعة، واللي يسأل بعدها ترد عليه بثانيتين.
- 4 متجرك في سلة؟ سؤال «الشحن مجاني من كم؟» يجاوبه «شريط رسائل المتجر» في بوب اب سناب، ويحسب لكل زبون كم باقي له.