لكل رسالة «تقدر توقفها؟»: نعم أو جزئياً، ووين في متجرك تنتقل.
قالب صفحة الفوز في عجلة الحظ: العنوان، والوصف، ونص المساعدة، ونص زر واتساب.
جدول جوائز العجلة: الجائزة، والكود اللي تسوّيه في سلة، وفرصة الفوز.
خانة «كم مرة أرسلتها هالأسبوع؟» عشان تبدأ بالأكثر.
أول رسالتين تحت. الباقي يفتح لك بعد الإيميل، أو بدونه.
١رسالة الفايز
متى ترسلها: بعد سحب في انستقرام أو أي مسابقة، لكل فايز.
هلا [اسم العميل]، مبروك! ربحت [الجائزة] من [اسم المتجر].
كودك: [الكود]
يشتغل على [شرط الكود، مثل: الطلبات فوق ٢٠٠ ريال] لين [تاريخ الانتهاء].
تسوّق من هنا: [رابط المتجر]
تقدر توقفها؟نعم للجوائز اللي تعطيها في متجرك.
في عجلة الحظ الزائر يلفّ بنفسه في متجرك، وأول ما توقف العجلة تطلع له صفحة الفوز فيها جائزته وكودها وزر «نسخ الكود». ما تختار فايز، ولا ترسل كود.
وين تضبطها: «إعداد عجلة الحظ» ← «الجوائز والكوبونات»: لكل جائزة «ما يحصل عليه العميل» و«كود الخصم» و«فرصة الفوز». الأكواد تسوّيها في سلة أول (التسويق ← الكوبونات) وبعدين تلصقها هنا. جدول الجوائز في آخر الملف.
تبقى بيدك: مسابقة انستقرام على جائزة وحدة كبيرة لفايز واحد.
٢«وين أحط الكود؟»
متى ترسلها: لما يسألك فايز أو زبون معه كود وما يدري وين يكتبه.
حياك [اسم العميل]، طريقة استخدام الكود:
١. أضف المنتجات اللي تبيها للسلة.
٢. افتح السلة، واكتب [الكود] في خانة كود الخصم.
٣. بيتعدل المبلغ قبل ما تدفع.
لو ما ضبط معك، أرسل لنا صورة الشاشة ونساعدك.
تقدر توقفها؟أغلبها
في صفحة الفوز في عجلة الحظ الزبون يشوف كوده وزر «نسخ الكود»، ومعه «الوصف» اللي تكتب فيه وين يحطه، و«نص المساعدة» اللي يقول له كيف يكلمك. يبقى يسألك اللي ضيّع الكود أو اللي شرطه ما انطبق.
وين تضبطها: «إعداد عجلة الحظ» ← تبويب «صفحة الشكر» ← «الوصف» و«نص المساعدة». النص الجاهز في «قالب صفحة الفوز» تحت.
انتبه: الكود ما ينضاف للسلة لحاله. الزبون ينسخه ويلصقه في السلة، فاكتب له هالخطوة في «الوصف».
وين نرسل لك القوالب؟
وصلت! الرسائل كلها مفتوحة تحت، وملف الـPDF من هنا، والرابط بالطريق لإيميلك.
هلا [اسم العميل]، حياك الله.
هذا كود لأول طلب: [الكود]
يعطيك [الخصم] على [شرط الكود]، وصالح لين [تاريخ الانتهاء].
تقدر تطلب من هنا: [رابط المنتج]
تقدر توقفها؟جزئياً
نافذة ترحيب في متجرك تعرض الكود لكل زائر جديد قبل ما يسأل، ومعه زر «انسخ الكود». في بوب اب سناب تسوّي نافذة وتختار من «إعداد موصى به:» زر «ترحيب وجمع بيانات». وعجلة الحظ تسوي نفس الشي لو تبيها لعبة.
تبقى بيدك: اللي يسألك من انستقرام قبل ما يدخل المتجر. خلّ الرسالة جاهزة له.
٤أسئلة الطلب المخصص
متى ترسلها: زبون يبي منتج عليه اسم أو صورة، وتحتاج التفاصيل قبل ما تنفّذ.
هلا [اسم العميل]، عشان نجهز طلبك صح، نحتاج منك:
١. الاسم أو النص بالضبط زي ما تبيه:
٢. عربي ولا إنجليزي؟
٣. اللون: [الألوان المتوفرة]
٤. الخط: [أسماء الخطوط]
٥. لو فيه صورة أو شعار، أرسلها بأعلى جودة عندك.
أول ما توصلنا التفاصيل نبدأ.
تقدر توقفها؟نعم
في استوديو المنتجات كل سؤال يصير خانة في صفحة المنتج: نص، أو اختيار لون، أو رفع صورة. الزبون يعبّيها قبل ما يضيف للسلة، والخانة المطلوبة ما يكمّل بدونها؛ يطلع له: «أكمل خيارات التخصيص المطلوبة قبل إضافة المنتج للسلة.»
وين تضبطها: في استوديو المنتجات اختر المنتج، وأضف الخانات، وشوفها في «معاينة العميل»، وبعدها «نشر في صفحة المنتج». قائمة الأسئلة كاملة وخاناتها في ملفنا «أسئلة الطلب المخصص»: grovlix.com/resources/custom-order-checklist
٥«كذا تبي التصميم؟»
متى ترسلها: قبل التنفيذ، ترسل للزبون صورة تجريبية وتنتظر موافقته.
هلا [اسم العميل]، هذا شكل طلبك قبل ما نبدأ:
[صورة التصميم]
النص: [النص] · الخط: [الخط] · اللون: [اللون]
إذا تمام، رد بكلمة «موافق». وإذا تبي تعديل، اكتبه هنا.
بعد الموافقة نبدأ التنفيذ، وما نقدر نغيّر بعدها.
تقدر توقفها؟نعم
في استوديو المنتجات الزبون يشوف تصميمه على صورة المنتج وهو يكتب: يحرّك النص، ويكبّره من الزوايا، ويغيّر اللون. الصورة اللي كنت ترسلها له، يشوفها بنفسه قبل ما يطلب، وجولات «كبّر الاسم شوي» تخلص في صفحة المنتج.
وين تضبطها: نفس خانات الرسالة ٤. بعد ما تضيفها، جرّبها كأنك الزبون في «معاينة العميل».
٦تأكيد الطلب المخصص
متى ترسلها: بعد الدفع، قبل ما تطبع أو تحفر أو تطرّز.
هلا [اسم العميل]، وصلنا طلبك رقم [رقم الطلب]، شكراً لك.
هذي التفاصيل اللي بننفذها:
النص: [النص] · الخط: [الخط] · اللون: [اللون] · المقاس: [المقاس]
لو فيه أي غلط، كلمنا خلال [المدة] قبل ما نبدأ التنفيذ.
تقدر توقفها؟جزئياً
في استوديو المنتجات الزبون يشوف «معاينة اختيارك» في السلة، ولو غيّر رأيه يضغط «تعديل التخصيص» ويعدّل بنفسه قبل الدفع (في متاجر سلة). وأنت تلقى «خيارات العميل» و«معاينة التخصيص» في كل طلب داخل «طلبات التخصيص»، فما تحتاج تسأله عن التفاصيل مرة ثانية.
تبقى بيدك: الطلبات الغالية أو اللي ما ترجع. خلّها لها كتأكيد أخير.
٧«تبي معه شي؟»
متى ترسلها: بعد الطلب، تقترح على الزبون منتج يكمّل اللي طلبه.
هلا [اسم العميل]، شكراً على طلبك.
[المنتج المكمّل] يكمّل [المنتج] اللي طلبته، وسعره [السعر] ريال.
تبيه معه؟ نضيفه لك قبل ما نشحن الطلب.
تقدر توقفها؟نعم وقبل الدفع.
الرسالة بعد الطلب توصل متأخرة: الزبون خلاص دفع. في بوب اب سناب نافذة «كروس سيل + اب سيل» تطلع للزبون لحظة ما يضيف منتج للسلة، فيها المنتج المقترح وزر إضافة، قبل ما يدفع.
وين تضبطها: سوّ نافذة «كروس سيل + اب سيل»، وفي «طريقة ظهور العرض» اختر «عند الإضافة للسلة». حدد «المنتجات التي تشغّل العرض» و«المنتجات المقترحة داخل النافذة». وفي تحليلات النافذة تشوف «ظهور العروض» و«نقرات العروض» و«إضافات السلة».
٨متابعة السلة المتروكة
متى ترسلها: زبون أضاف للسلة وطلع بدون ما يكمّل.
هلا [اسم العميل]، سلتك فيها [المنتج] وما كمّلت الطلب.
لو فيه شي وقّفك (المقاس، الشحن، الدفع) قل لنا ونساعدك.
سلتك محفوظة هنا: [رابط السلة]
تقدر توقفها؟نعم من منصتك نفسها.
سلة وزد فيهم تذكير للسلات المتروكة يطلع للزبون لحاله بعد وقت تحدده، ومعه خصم لو تبي أو بدونه. هذا من المنصة، مو من تطبيقاتنا.
وين تضبطها:
زد: «التواصل» ← «تنبيهات السلات المتروكة». تختار الرسالة النصية أو الإيميل أو الواتساب، ومتى تنرسل، ومع «كود خصم» أو «شحن مجاني» أو «بدون عرض». الواتساب يمشي من «رصيد الواتساب».
سلة: «السلات المتروكة» في لوحة سلة، وفيها إعدادات التذكير ومعه خصم أو بدونه.
نصيحة: حط نص الرسالة فوق في التذكير، وخلّ الخصم للتذكير الأخير بس.
٩«طلبك انشحن»
متى ترسلها: لما يطلع الطلب مع شركة الشحن، أو لما يسألك الزبون «وين طلبي؟».
هلا [اسم العميل]، طلبك رقم [رقم الطلب] انشحن.
شركة الشحن: [شركة الشحن]
رقم التتبع: [رقم التتبع]
تتبّعه من هنا: [رابط التتبع]
تقدر توقفها؟جزئياً
لما تغيّر حالة الطلب، المنصة ترسل للزبون رسالة بالحالة الجديدة.
